शिक्षा / स्वास्थ्य
सुन्दरहरैंचाको प्रशंसा गर्दै मुख्यमन्त्री राईले भने, ‘कोभिडको बहाना नगरी काम गरेर राम्रो सन्देश गएको छ’
विराटचोकः देशमै पहिलो पटक बनेको दाबी गरिएका अत्याधुनिक शौचालयको उद्घाटन गर्दै प्रदेश मुख्यमन्त्री शेरधन राईले सुन्दरहरैंचाको प्रशंसा गरेका छन् । शौचालय उद्घाटनका लागि आयोजित औपचारिक कार्यक्रममा बोल्दै कार्यक्रमका प्रमुख अतिथि राईले सबै एकजुट भएर काम गर्दा असम्भव केही नहुँदो रहेछ भन्ने यसले प्रष्ट पारेको र अन्य स्थानीय तहले पनि यसको सिको गर्नुपर्ने बताए ।
‘प्रदेश सरकारले पनि यो नगरलाई सुन्दर बनाउन लागिपरेको छ’, मुख्यमन्त्री राईले भने, ‘विराटनगर– घिनाघाट सडकलाई ४ लेनको बनाइएको छ । पूर्वी पहाडी जिल्लाको केन्द्रबिन्दुको रुपमा यस नगरलाई विकास गर्न प्रदेश सरकार लागिपरेको छ ।’ त्यसै क्रममा विराटनगर जोड्ने ४ लेनको बाटो प्रदेशकै गौरवको योजनाअन्तर्गत राखेर निर्माण गरिएको उनको भनाइ थियो ।
नगरपालिकाले ईलाइब्रेरीसहितका ८ वटा अत्याधुनिक शौचालय बनाउन सके नगरको गौरव झन् बढ्ने हुनाले सबैको साथ र सहयोग जुटाउन उनले सुझाव दिए । यस्ता सिर्जनशील सोच अन्य पालिकाले पनि आत्मसात गरी ती सोचलाई कार्यान्वयन गराउनुपर्ने उनको भनाइ थियो ।
कोभिडको बहाना नगरी काम गर्दा यसरी ठूला योजना बन्दा रहेछन् भन्ने बुझेर बहानाबाजी गरेर हात बाँधेर बस्न नहुने सन्देश पनि यसले दिएको उनले बताए ।
कार्यक्रमका विशेष अतिथि प्रदेश सांसद राजकुमार ओझाले सबै मिलेर काम गर्नाले विकास निर्माणका काम र अन्य विभिन्न काम गर्न नगरमा सहज भएको बताए । बृहत् विराट क्षेत्रभित्र सुन्दरहरैंचा परेकाले यहाँ विकास निर्माणका काम धेरै भइरहेको उनको भनाइ थियो ।
भौतिक पूर्वाधारको क्षेत्रमा सुन्दरहरैंचामा धेरै काम भइरहेका बताउँदै उनले पूर्वाञ्चल विश्वविद्यालयको केन्द्रीय कार्यालय गोठगाउँमा ल्याउने, अस्पताल निर्माण गर्नेलगायतका काममा पनि अब सबै एकजुट हुन आवश्यक भएको बताए । सुकुना बहुमुखी क्याम्पसलाई प्रदेशकै नमूनायोग्य कार्यक्रम बनाउन आफू लागि परिरहेको उनको भनाइ थियो ।
सुन्दरहरैंचा नगरपालिकाका प्रमुख शिवप्रसाद ढकालले सपना धेरैले देखे पनि जब धेरै मानिसलाई सहभागी गराई अघि बढिन्छ तब मात्र सो सपनाले साकार रुप धारण गर्ने बताए ।
नगरमा यस्ता अत्याधुनिक मापदण्डका ८ वटा सार्वजनिक शौचालय बनाउने तयारी भएको बताउँदै केही स्थानमा जग्गाको अभावमा भवन बन्न नसकेको र जग्गा पाउनासाथ भवन बनाइने उनले बताए । अब नगरको पश्चिम क्षेत्रमा रहेको बलियामा शौचालय बनाउनुपर्ने र सबैतिरको भूगोल समेटिने उनको भनाइ थियो । भौतिक पूर्वाधार मन्त्रालयको कार्यभार पनि मुख्यमन्त्रीसँगै रहेकाले रकम विनियोजन हुनेमा नगरवासी आशावादी रहेको उनले बताए ।
८ घर सुकुम्बासीलाई शौचालयको माथिल्लो तलामा बस्ने व्यवस्था गरिनुले सुकुम्बासीको समस्या समाधानमा पनि यस्ता कार्यक्रमले सहयोग पुग्ने उनले बताए । भौतिक पूर्वाधारको लागि नगरसँग बजेट नभएको र प्रदेश सरकारले पनि सुन्दरहरैंचालाई खासै नहेरेको उनले बताए ।
नेकपाका नगर अध्यक्ष केदार गुरागाईंले सुन्दरहरैंचाले नयाँनयाँ काम गरिरहेको र ती सफल भएको बताए । देशमै पहिलो पटक बन्द निषेधित क्षेत्र घोषणा गरिएको र त्यो अहिलेसम्म कायम हुनुका साथै अन्यत्र पनि त्यसको सिको भएको बताउँदै उनले अत्याधुनिक सार्वजनिक शौचालय पनि पहिलो पटक बनेको र यसको सिको सबैतिर हुने विश्वास लिइएको बताए ।
शौचालय निर्माण महाअभियानका संयोजक भोलेश्वर दुलालले सार्वजनिक शौचालय निर्माण महाअभियानका लागि मेला लगाइएको र सो मेलामा १ करोड रुपैयाँ नाफा भएपछि थप उत्साह मिलेको बताए । त्यसपछि ईलाइब्रेरीसहितको भवन बनाउन डीपीआर तयार पारी नगरपालिकाको पहिलो बोर्ड बैठकमा प्रस्तुत गरेपछि महाअभियानका लागि नगरले ३५ प्रतिशत रकम छुट्याउने बताएपछि थप आँट आएको उनको भनाइ थियो । सबैको सद्भावमा यी शौचालय बने पनि साबि कोशीहरैंचामा मात्रै शौचालय बने, सुन्दरदुलारीमा बनेनन् भन्ने आरोप लाग्ने गरे पनि भवनको अभावमा अन्य ठाउँमा शौचालय बन्न नसकेको उनको भनाइ थियो ।
सलकपुर र हरैंचामा निःशुल्क जग्गा प्राप्त भएको तथा खोर्साने र विराटचोकमा कम मूल्यमा जग्गा खरीद गरी काम शुरु गरिएको उनले प्रष्ट्याए । अन्य क्षेत्रमा जग्गाको अभाव रहेको उनले बताए । हालसम्म १ करोड २ लाख रुपैयाँ नगरपालिकाबाट प्राप्त भएको र १ करोड २७ लाख १६ हजार ४ सय ५२ रुपैयाँ संकलन गरिएको उनले बताए । यो १० दिन अघिको तथ्यांक भए पनि यसपछि १७ लाख रुपैयाँ थप संकलन भइसकेको तथा हालसम्म ३ करोड २७ लाख खर्च भइसकेको तथा खोर्साने र हरैँचामा बनेका सार्वजनिक शौचालयमा ढलानको काम भइरहेको उनले जानकारी दिए ।
सार्वजनिक शौचालय नहुँदा सार्वजनिक यातायातले जंगलमा सवारी रोकी शौच गर्ने क्रम रहेकाले त्यसलाई रोक्न यो अभियानले साथ दिने उनको भनाइ थियो ।
नेपाली कांग्रेसका नगर सभापति कृष्णबहादुर लिम्बूले पनि आफ्नो धारणा राखेका थिए ।
कार्यक्रममा खोर्सानेमा बनिरहेको शौचालयको निर्माणको लागि ११ लाख रुपैयाँ सहयोग गर्ने आशिष मास्केलाई सम्मान पनि गरिएको थियो ।
सम्बन्धित समाचारहरुः
सुन्दरहरैंचाको विराटचोक र सलकपुरका सार्वजनिक शौचालयको उद्घाटन
युरोपियन मापदण्डमा बनेका अत्याधुनिक शौचालय भोलि उद्घाटन हुँदै, यस्ता छन् विशेषता
मुख्य मन्त्री राई द्वारा निर्माणधिन पुस्तकालयसहितको सार्वजनिक शौचालय अवलोकन
Facebook Comment
Banner
फुलह्याममाथि म्यानचेस्टर सिटीको फराकिलो जित, शिर्ष स्थानमा उक्लियो
फुलह्याममाथि म्यानचेस्टर सिटीको फराकिलो जित, शिर्ष स्थानमा उक्लियो
इङलिश प्रिमियर लिग अन्तर्गत म्यानचेस्टर सिटीले फुलह्याममाथि शानदार जित हासिल गरेको छ । शनिबार सम्पन्न खेलमा म्यानचेस्टर सिटीले फुलह्यामलाई ४-० गोल अन्तरले पराजित गरेको छ ।
Banner
आज – ३० बैशाख २०८१ आइतवार को राशिफल
मेष
मेष (चु, चे, चो, ला, लि, लु, ले, लो, अ) शुभकार्यको चर्चा चल्नेछ । साहित्य तथा सङ्गीतमा रुचि बढ्नेछ । दाम्पत्य जीवन सुखमय हुनेछ । बोलीको प्रभावले अरुको मन जित्न सकिनेछ ।
मिथुन
मिथुन (का, कि, कु, घ, ङ, छ, के, को, हा) आज इच्छा र आकाङ्क्षा पूर्ण हुनेछन् । ठूला व्यक्तिले तपाईँका मेहनतको प्रशंसा गर्नेछन् । धनार्जनका नयाँ स्रोतहरू पत्ता लाग्न सक्छन् ।
सिंह
सिंह (मा, मि, मु, मे, मो, टा, टि, टु, टे) आज आकस्मिक धनलाभ हुनेछ । काम देखाएर अरूको मन लोभ्याउन सकिनेछ । महिला वा मित्रबाट विशेष सहयोग पनि मिल्नेछ ।
तुला
तुला (रा, रि, रु, रे, रो, ता, ति, तु, ते) आज कुनै कुराले मन प्रसन्न रहने र मनमा खुसियाली बढ्नेछ । जीवनसाथीको सल्लाहमा गरिएको कार्यमा अधिक सफलता मिल्नेछ ।
धनु
धनु (ये, यो, भा, भि, भु, धा, फा, ढा, भे) पारिवारिक सद्भाव बढ्नेछ । आफ्नै दक्षतामा विभिन्न कार्यहरू सम्पन्न हुनेछन् । साहित्यिक क्षेत्रमा रूचि बढ्नेछ । सहयोगी हातहरू अघि बढ्नेछन् ।
कुम्भ
कुम्भ (गु, गे, गो, सा, सि, सु, से, सो, दा) आज एउटै कामबाट दोहोरो लाभ मिल्नेछ । व्यावसायिक काममा राम्रै फड्को मार्न सकिनेछ । आत्मिक सन्तुष्टि मिल्नेछ । तीर्थाटनको योग छ ।
बृष
वृष (इ, उ, ए, ओ, वा, वि, वु, वे, वो) आज जोशजाँगर र हिम्मत बढ्नेछ । दैनिक कार्यहरूमा प्रगति हुनेछ । रमणीय र सुखद् यात्राको योग छ । नयाँ वस्त्र, अलङ्कारको प्राप्ति हुनेछ ।
कर्कट
कर्कट (हि, हु, हे, हो, डा, डि, डु, डे, डो) गरेको काममा ढिलासुस्ती हुनेछ । विचार गरेर निर्णय लिनु उचित होला । दबाब र तनाव बढेको महसुस हुनेछ । पारिवारिक समस्या आइपर्ला ।
कन्या
कन्या (टो, पा, पि, पु, ष, ण, ठ, पे, पो) आज नयाँ र शुभकार्यको चर्चा चल्नेछ । अकस्मात् धन सम्पत्ति हात पर्नेछ । धर्म, कर्म, परोपकार, समाजसेवा जस्ता कार्यमा मन जाला ।
बृश्चिक
वृश्चिक (तो, ना, नि, नु, ने, नो, या, यि, यु) आज जिद्दीपनाले गर्दा काम बिग्रने डर छ । शेयर बजार या ठूलो लगानी गर्नु जोखिमपूर्ण छ । बोलीको विपरीत अर्थ पनि लाग्न सक्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) शुभ समाचार सुन्न पाइनेछ । मित्रबाट विशेष सहयोग मिल्नेछ । आफ्नो क्षेत्रमा प्रभुत्व जमाउन सकिनेछ । घरमा अतिथिको आगमन हुनेछ ।
मीन
मीन (दि, दु, थ, झ, ञ, दे, दो, चा, चि) आज समय मध्यम खालको छ । स्वास्थ्यमा खासै खराबी नआउला । आँटेका काम सबै पूरा नभए पनि नआत्तिकन काम गर्दा राम्रो हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
गायक रवि ओड प्रहरी नियन्त्रणमा
वैवाहिक बलात्कारसम्बन्धी मुद्दामा नेपाल आइडल विजेता रवि ओडले प्रहरीमा आत्मसर्मपण गरेका छन् । कञ्चनपुरको कृष्णपुर नगरपालिकाका ओडले बिहीबार इलाका प्रहरी कार्यालय झलारीमा आफैं उपस्थित भएको जिल्ला प्रहरी कार्यालयका प्रहरी नायब उपरीक्षक उमेश जोशीले बताए ।
जोशीकाअनुसार रविलाई जिल्ला अदालतबाट पाँच दिनको म्याद थप गरेर अनुसन्धान भइरहेको छ ।
नेपाल आइडल सिजन २ का विजेता ओडविरूद्ध वैवाहिक बलात्कार र अप्राकृतिक मैथुनको आरोप लगाउँदै उनकी श्रीमतीले गत २० चैतमा उजुरी दिएकी थिइन् ।
प्रहरीले सोही दिन जिल्ला अदालतबाट ओडका नाममा पक्राउ पुर्जी जारी गरेको थियो । तर उनी सांगीतिक कार्यक्रममा देश बाहिर रहेका कारण पक्राउ परेका थिएनन् ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login